"喂喂~ 你就好啦~ 做人做到你咁~ 又逍洒~ 又滿足現狀~ 乜都唔諗唔埋~"

"吓????? ........... 我幾時有講過呀?"

"活在當下呀嘛??? 你寫架嘛????"

"哈哈哈~ 活在當下啫~ 冇話過滿足現狀噃?! 不如話我四大皆空呀苯??"

咁~ 我心中既"活在當下"係咩呢?

盡量做好家下依刻!  盡量enjoy家下依刻!

過去?  我冇話過唔諗唔埋噃??? 
過去咗既野, 已經過去咗, 都唔可以改變架啦?? 
以前點點點點?  又咁又物?  咁又點呢?????  我地只可以有能力掌握到家下依刻.  咁~ 仲咩唔諗下依刻可以做d乜野??  

做得唔好既, 依刻盡能力彌補!  唔夠既, 依刻做番多d!  失去既, 依刻就盡力去攞番黎!  做得好既, 依刻盡能力再做好d啦!  

將來?  我冇話過唔追求噃??  更加冇話過冇planing噃???  更加更加冇話過滿足現狀噃???? 

將來既野, 有太多變化啦~  可以真正掌握到既真係有限~ 
將來要點點點點點點??  將來要咁咁咁咁???   淨係諗有咩用呢???? 
做啦~ 做好依家依刻, 就係對將來負責!

將來要點, 依刻開始做啦!  將來要咁, 依刻就開始做啦!

我地真正可以掌握到既只有家下依刻.  咁~ 點解唔好好盡能力做好家下依刻? enjoy依刻擁有既野呢??

共勉之